தமிழ்நாடு மேல்நிலைப்பள்ளி முதுகலை பட்டதாரி ஆசிரியர் கழகம்

2 மாணவர்கள், 2 ஆசிரியர்கள்... இப்படியும் நடக்குது அரசு பள்ளி

விருதுநகர் மாவட்டம் அருப்புக்கோட்டை அருகே சேதுராஜபுரம் ஊராட்சி ஒன்றிய துவக்கப்பள்ளி, 2 மாணவர்களுக்கு 2 ஆசிரியர்கள் என்ற நிலையில் செயல்படுகிறது.

கடந்த 1966 ல் துவங்கப்பட்ட இப்பள்ளியில் ஏராளமான மாணவர்கள் படித்து வந்தனர். காலப் போக்கில் சுற்றுப் பகுதியில் பள்ளிகள் வர, இப் பள்ளியில் மாணவர்கள் எண்ணிக்கை குறைந்தது. கடந்த ஆண்டு 6 மாணவர்கள் , இரண்டு ஆசிரியர்களுடன் செயல்பட்ட இப்பள்ளியில், இந்த ஆண்டு அதே 2 ஆசிரியர்களுடன் இரு மாணவர்களே கல்வி பயில்கின்றனர்.

பள்ளியில் கழிப்பறை, விளையாட்டு மைதானம் உட்பட அனைத்து வசதிகளும் உள்ளன. இப்படி வசதிகள் பல இருந்தும் மாணவர்கள்தான் இல்லை. 2 மாணவர்களை கொண்டு செயல்படும் இப்பள்ளியில் ஆசிரியர்களும் தினமும் பள்ளியில் ஆஜராகி கல்வி கற்று கொடுக்கின்றனர்.

மூடுவதுதான் வழி: உதவி தொடக்க கல்வி அதிகாரிகள், ' பள்ளியை ஆய்வு செய்து, மாணவர்கள் சேர்க்கைக்கு ஆசிரியர்களிடம் அறிவுறுத்தப்படும். இல்லையென்றால் பள்ளியை மூடி விட வேண்டியது தான்,'என்றார்.