தமிழ்நாடு மேல்நிலைப்பள்ளி முதுகலை பட்டதாரி ஆசிரியர் கழகம்

ஆசிரியர், பெற்றோர் டி.பி.ஐ., வளாகத்தில் போராட்டம்
தனியார் பள்ளி கல்விக் கட்டணத்தை எதிர்த்து, பெற்றோரும், கலந்தாய்வு விதிகளை எதிர்த்து, ஆசிரியர்களும், சென்னை டி.பி.ஐ., வளாகத்தில், நேற்று போராட்டம் நடத்தினர்.

ஆசிரியர்களுக்கான கலந்தாய்வு குறித்து, புதிய விதிமுறைகளை, தமிழக அரசு அறிவித்துள்ளது; இதற்கு, ஆசிரியர் சங்கங்கள் எதிர்ப்பு தெரிவித்துள்ளன.இந்திய பள்ளி ஆசிரியர் கூட்டமைப்பு சார்பில், பள்ளிக்கல்வித் துறை இயக்குனர் அலுவலகம் முன், போராட்டம் நடந்தது; இதில், 150 ஆசிரியர்கள் பங்கேற்றனர்.இதேபோல், சென்னை, கீழ்க்கட்டளையிலுள்ள தனியார் பள்ளியில், அதிக கட்டணம் வசூலிப்பதாகக் கூறி, பெற்றோர் தரப்பில், டி.பி.ஐ.,யிலுள்ள கட்டண நிர்ணயக்குழு அலுவலகத்தை முற்றுகையிட்டு, புகார் அளித்தனர்.